BREAKING : អភិបាលខេត្តសៀមរាប លោក ទៀ សីហា ប្រាប់ដល់មន្ត្រីរាជការសាធារណៈកងកម្លាំងប្រដាប់អាវុធគ្រប់ប្រភេទត្រូវអនុវត្តតាមការណែនាំរបស់រាជរដ្ឋាភិបាល
(សៀមរាប) អភិបាលខេត្តសៀមរាប លោក ទៀ សីហា នៅថ្ងៃទី២៥ ខែមេសា ឆ្នាំ២០២១នេះ បានជូនដំណឹងដល់មន្ត្រីរាជការសាធារណៈ កងកម្លាំងប្រដាប់អាវុធគ្រប់ប្រភេទ និងប្រជាពលរដ្ឋទាំងអស់ថា ខេត្តសៀមរាបបានអនុវត្តតាមការណែនាំរបស់រាជរដ្ឋាភិបាល ក៏ប៉ុន្តែនៅតែបន្តដាក់ច្រកត្រួតពិនិត្យសុខភាព នៅស្រុកជីក្រែង-ស្រុកស្ទោង និងព្រំប្រទល់ស្រុកក្រឡាញ់-ស្រុកព្រះនេត្រព្រះ ដោយឡែក សង្កាត់ទាំង៣ ក្នុងក្រុងសៀមរាប នៅតែបន្តបិទខ្ទប់។
លោក ទៀ សីហា បានបន្តថាការអនុវត្តវិធានការរដ្ឋបាលជាបណ្ដោះអាសន្ននេះគឺដើម្បីចូលរួមទប់ស្កាត់ការឆ្លងរាលដាលនៃជំងឺកូវីដ-១៩។
អភិបាលខេត្តសៀមរាប លោក ទៀ សីហា បានសំណូមពរទៅប្រជាពលរដ្ឋបន្តអនុវត្តវិធានសុខាភិបាល ពិសេសអនុសាសន៍សម្តេេចតេជោ ៣កុំ និង៣ការពារ៕
